Marisol Soneira advirte que a falla de execución pode obrigar á Xunta a devolverlle á UE preto de 300 millóns de euros de proxectos comunitarios
Sinala que o sector perdeu 3.469 afiliados á seguridade social e ten 311 Permex menos cunha flota que “segue minguando sen que teñamos alternativas”

 


A portavoz de Pesca do Grupo Socialista, Marisol Soneira, acusou hoxe ao presidente da Xunta de deixar ao sector pesqueiro “en situación crítica” e co risco de devolver 300 millóns de euros en proxectos comunitarios sen executar por parte do goberno galego. Reclamou a comparecencia da conselleira e presentou unha Interpelación no Parlamento sobre o fracaso do Goberno galego na xestión da pesca.

Soneira advertiu que a “incapacidade de xestión” do Goberno galego chega ao punto de que hoxe mesmo o presidente da Xunta teña concertado unha xuntanza co Ministro de Agricultura, tamén responsable da Pesca, sen incluír na orde do día un só asunto relativo a este sector. Lamentou que o presidente estea “mais preocupado de preguntarlle ao primo de Zumosol cándo convoca eleccións que dos intereses dos galegos”.

A responsable socialista advertiu que o sector, que xera en torno a 40.000 empregos, perdeu un total de 3.469 afiliados ao réxime especial do mar –que pasou dos 26.038 en 2007 aos 22.569 de 2011- dende que Feijóo tomou posesión, mentres as conserveiras están “ao borde do ERE”. Engadiu que si o obxectivo da Xunta era acadar as 15.000 mariscadoras afiliadas no Permex, a realidade é que en catro anos pasaron de 4.281 a 3.970, 311 menos.

Dixo que mentres a pesca galega atópase nunha “situación crítica”, catro anos despois “non coñecemos cál é o proxecto que ten Feijóo para esta actividade fundamental para a economía, o emprego e a estabilidade social da nosa Comunidade Autónoma”. Este é o resultado dun goberno guiado pola “improvisación, o sectarismo, as fobias case patolóxicas ao goberno de Touriño, o caciquismo e o control social do sector”.

Así o evidencia mesmo a “desaparición da propia Consellería de Pesca como tal”, logo da derradeira remodelación do Goberno, unido a unha “incapacidade manifesta para xestionar os recursos da UE”. A pesca ten actualmente “os niveis mais baixos de execución orzamentaria de toda a administración galega” poñendo “en perigo” 300 millóns de euros que terán que ser devoltos de non ser investidos.

Mauritania
A parlamentaria socialista cualificou hoxe de “esperpento” a negociación da UE con Mauritania, que finalizou coa expulsión da flota galega dese caladoiro, poñendo “a guinda a unha xestión desastrosa dos asuntos pesqueiros”. Dixo que a presenza da Xunta e do Goberno central na UE resulta “irrelevante” xa que ata o momento “tódalas iniciativas da Consellería estiveron condenadas ao fracaso”.

Reclamoulle aos gobernos galego e español que paralicen un acordo que impón condicións “leoninas” aos armadores galegos, que cada ano teñen que “pagar moito mais e pescar moito menos”, multiplicando as taxas “por tres ou por catro”. Lembrou que o próximo martes a Deputación Permanente do Congreso debaterá este asunto a proposta dos socialistas, mentres en Galicia o PP impediu calquera tipo de debate.

Engadiu que a xestión das política de cotas pesqueiras “só cabe cualificala de absurda” mentres “poñen á nosa flota nunha situación insostible economicamente, nunha permanente inseguridade xurídica e nun estado permanente de frustración colectiva que mesmo está levando a algunhas voces do sector a propoñer a insubmisión como alternativa”.

Acuicultura
Mentres, dixo, a Xunta foi “incapaz de poñer en marcha un só metro cadrado das explotacións acuícolas que anunciaban como imprescindibles” salvo as gaiolas de salmón que instalaron en Muros, xerando unha contundente resposta social en contra. Dixo que mentres caen os prezos e volumes de capturas, os recortes en investigación e os problemas de contaminación e epidemiolóxicos poñen a familias ao borde da ruina.

Dixo que a flota galega “continúa minguando sen que teñamos alternativas noutros campos de actividade” e explicou que “o 25 por cento da flota europea que deixou a Pesca durante 2011 é española, fundamentalmente galega”. É a conclusión dunha xestión da Xunta de Galicia “sen modelo, obxectivos nin xestión”.

 

El grupo de la Alianza Progresista de los Socialistas & Demócratas en el Parlamento Europeo va a organizar un curso sobre "El Futuro de la Pesca en la Unión Europea", el curso tendrá lugar en Santiago el 25 de mayo en el Hotel Pueta del Camino de Santiago.

Marisol Soneira advirte que o Goberno galego sitúa aos pósitos “ao borde do desafiuzamento”

SONEIRA REPROCHA AOS POPULARES QUE O GOBERNO DE RAJOY RETIRE A PESCA DA NOMENCLATURA DOS MINISTERIOS POR PRIMEIRA VEZ NA HISTORIA.
A deputada socialista alerta sobre as consecuencias para a Pesca deste “primeiro xesto do Goberno popular” . Advirte de que o titular do ministerio competente, Arias Cañete se fixera famoso “pola nefasta negociación con Marrocos e por pedir axudas para as ganderías de lidia, que por algo sería”.
Ironizou sobre a recuperación para o equipo de Arias Cañete de Samuel Juárez ou da incorporación da propia Rosa Quintana, “porque así tería a oportunidade de negociar o próximo ano unhas TACs e unhas cotas que nos permitan ser os reis do mundo”.



“Polos seus feitos habelos coñecer”, sobre esta cita bíblica argumentaba a deputada socialista, Marisol Soneira o seu reproche ao PP pola eliminación histórica do Goberno Rajoy da Pesca na nomenclatura dos ministerios do seu Gabinete.

“É a primeira vez en todos os gobernos de España en que a Pesca desaparece”, xa que o departamento pasa a chamarse Ministerio de Agricultura Alimentación e Medio Ambiente.

A portavoz de Pesca do Grupo Socialista referiuse tamén ao titular deste novo ministerio, Miguel Arias Cañete.  “Foi un ministro preocupado polas axudas para as ganderías de lidia, por algo sería”, espetou Soneira, para lembrar a continuación a súa responsabilidade como ministro na anterior etapa de Goberno popular na negociación con Marrocos”, de nefastos resultados para o sector en Galicia. 

Tamén recordou que no seu equipo estaba o conselleiro de Medio Rural, Samuel Juárez, “que igual o recuperan para este ‘negociado menor’ que é a pesca para o Executivo Rajoy”. Chegou tamén a mencionar a posibilidade de que sexa chamada a propia Rosa Quintana. “Tería a posibilidade de negociar o próximo ano unhas TACs e unhas cotas que nos permitirían ser os reis do mundo mundial”, ironizou a deputada socialista.

Soneira afirma que “en Madrid acaban de dar unha mensaxe: O novo Goberno de España acaba de dicirnos que a Pesca é un asunto menor”.

A portavoz de Pesca socialista esixe explicacións a Núñez Feijóo, “porque se vendeu ata a saciedade a capacidade do Presidente da Xunta  para influír no PP español e en Mariano Rajoy”.

Soneira lamenta esta decisión do Executivo de Madrid, aínda que sexa só desde o punto de vista estratéxico, porque “cando vaiamos a sentarnos na mesa en Bruxelas a negociar a política pesqueira, a tarxeta do noso ministro non fará referencia a esta, será o único que non sexa ministro de pesca”, apuntou.


 

A portavoz de Pesca do Grupo Parlamentario dos Socialistas de Galicia, Marisol Soneira anuncia que tamén se acordou remitir ao Parlamento, non mais tarde do primeiro trimestre de 2012, unha comunicación -previo debate e coas achegas que poida incorporar o Consello Galego de Pesca- que recolla as conclusións do devandito Grupo de Traballo.
Dixo que o único que pretende esta iniciativa “é expresar a opinión política no texto, sobre a política pesqueira común, e que ademais sirva de referencia ao Consello Galego de Pesca para saber que pensan os representantes políticos, xa que a pesca ten consecuencias noutros sectores da economía”.
Soneira fixo un chamamento aos Grupos para acadar á unha posición común “nun dos sectores claves para a economía e o emprego de Galicia”.

 


A portavoz de Pesca do Grupo Parlamentario dos Socialistas de Galicia, Marisol Soneira interveu hoxe no Pleno da Cámara para defender unha proposición sobre a Política Pesqueira Común. A iniciativa foi debatida o martes día 13, e votada e a aprobada o día 14.
Ali aprobouse unha iniciativa na que se propón por un lado constituír un Grupo de Traballo, antes de que remate o actual período de sesións, con participación dos tres grupos parlamentarios con representación no Parlamento e a consellería do Mar, coa finalidade de definir unha posición política  sobre a proposta de reforma da Política Pesqueira Común feita pola Unión Europea.
E tamén se acordou remitir ao Parlamento, non mais tarde do primeiro trimestre de 2012, unha comunicación -previo debate e coas achegas que poida incorporar o Consello Galego de Pesca- que recolla as conclusións do devandito Grupo de Traballo para o seu debate de acordo cos artigos 140 e 141 do Regulamento da Cámara.
Dixo que o único que pretende esta iniciativa “é expresar a opinión política no texto, sobre a política pesqueira común, e que ademais sirva de referencia ao Consello Galego de Pesca para saber que pensan os representantes políticos, xa que a pesca ten consecuencias noutros sectores da economía”.
Na súa intervención a portavoz de Pesca fixo un chamamento aos Grupos da Cámara para acadar á unha posición común “nun dos sectores claves para a economía e o emprego de Galicia”, subliñou. Advirte que para que fose posible o acordo aprazou a lexítima posición do seu grupo para intentar acadar unha proposta consensuada entre os tres grupos e o a Consellería do Mar.

A deputada socialista criticou que teña que ser o Grupo Parlamentario Socialista o que traia este asunto o Parlamento, é dicir “que sexa a oposición quen faga o maior esforzo para acadar unha posición común diante da Proposta de regulamento que, sobre a reforma da política común de pesca, fixo a comisaría de pesca María Damanaki”. Sobre todo cando a Xunta anunciou fai meses a intención de convocar os Grupos para esta finalidade.

Neste punto a parlamentaria advirte que o pasado 15 de outubro a Conselleira do Mar anunciou que falaría cos Grupos Parlamentarios da Cámara para definir unha posición común sobre a proposta de reforma da PCP, “pero a día de hoxe, nada de nada”, lamentou.

Afirma tamén que un asunto coma este, onde o Goberno debe liderar a Acción e os grupos da oposición debemos achegar, con responsabilidade, e subliñou que a posición do PSdeG “sempre defendera a procura do maior interese para Galicia”.

A maiores Soneira destacou con datos a importancia económica, social e laboral que a pesca, o marisqueo e tódolos sectores vinculados a esta actividade, teñen para Galicia. Por iso non se explica a falta de liderado da Xunta de Galicia neste tema.

DATOS ECONÓMICOS SOBRE A PESCA EN GALICIA
Nº de empregos:

Pesca extractiva, marisqueo e acuicultura.             24.534
Conserva:                                                         12.000
Conxelado:                                                        8.000
Comercialización:                                                 2.000
TOTAL::::                                                         46.534
Fonte: Consellería de Pesca e Asuntos Marítimos - Datos 2007


    Negocio:5.000 M€ (9% PIB)
    85% da produción conserva nacional.
    83% da facturación conserva nacional.
    Conxelado: 2.900 M€
    Nº de Buques:4.911 (4.549 de baixura e artesanal)
    TRB: 118.463,22

 

Os Socialistas denuncian retrasos da Xunta "DE MESES" no pago das axudas polas prexubilacións na pesca.
Marisol Soneira lamenta a “escasa sensibilidade amosada polo goberno galego” para “rendas modestas a quen a administración detrae un dereito recoñecido sen explicacións”.

 


A portavoz de Pesca do Grupo Parlamentario dos Socialistas de Galicia, Marisol Soneira, ven de presentar unha serie de iniciativas nas que denuncia retrasos “de meses” por parte da Xunta no pago das axudas de mil euros por persoa ás prexubilacións na pesca. Soneira acusa ao goberno galego de “detraer un dereito recoñecido sen explicacións”.

Soneira apunta que “unha parte das persoas que teñen recoñecido o dereito a percibir estas axudas acumulan retrasos de meses na percepción” dunhas subvencións que si ben son xestionadas pola Xunta proceden da UE e do Goberno central. Lembra que estas paralizacións obrigan aos afectados a pagar eles mesmos as cotas da Seguridade Social “xa que de non facelo poñen en risco a súa pensión de xubilación”.

Lamentou a “escasa sensibilidade amosada polo goberno galego” para “economías que se moven no límite da subsistencia” e “rendas modestas a quen a administración detrae un dereito recoñecido sen dar unha explicación”. Reclama ao Goberno galego que explique na Cámara autonómica polos motivos destes retrasos e “a qué destina a Consellería do Mar os fondos recibidos para esa finalidade por parte da UE e do Estado”.

Axudas
Sinala que estas axudas paralizadas pola Xunta corresponden á orde do 13 de xaneiro que convoca axudas socioeconómicas cofinanciadas polo Fondo Europeo da Pesca nun 61 por cento e polo Estado no 39 por cento restante.

A parlamentaria socialista explica que, de acordo con esta orde os demandantes desta axudas, unha vez concedidas, recibirían un importe en torno aos mil euros cos que deben aboar a cota da Seguridade Social ata os 65 anos, cando pasen a percibir a correspondente pensión de xubilación.

 

O GOBERNO DE FEIJOO REXEITA NO PARLAMENTO GALEGO  A PROPOSTA SOCIALISTA PARA IMPULSAR UNHA POLÍTICA PESQUEIRA COMÚN CONSENSUADA, QUE CONTEÑA  A REFORMA DO PRINCIPIO DE ESTABILIDADE RELATIVA, XUNTO CUN MARCO QUE APOIE A PESCA DE BAIXURA.
-A portavoz de Pesca do Grupo Parlamentario dos Socialistas de Galicia, Marisol Soneira denunciou que o Partido Popular non quere entrar no fondo desta cuestión, xa que asegura que non lles interesa atopar solucións  aos problemas dos traballadores do mar de Galicia.
-Asegura que presenta este documento para aspirar a conseguir un texto consensuado que amose a posición de tódalas forzas políticas de Galicia neste asunto.
-Anunciou que vai presentar esta proposta como Proposición Non de Lei para debater novamente na Cámara.
Marisol Soneira advirte que a Consellería do Mar concentra estes permisos de pesca en persoas con máis títulos e non nos mais necesitados, contribuíndo á proliferación do furtivismo.
A pesca e o marisqueo son un dos piares da economía galega. Segundo datos oficiais hai case cincuenta mil persoas que viven da pesca, do marisqueo e das actividades vinculadas aos mesmos:

No marisqueo, que é o asunto que da motivo a este artigo, estímase que unhas cinco mil persoas exercen o marisqueo a pé en toda Galicia, ós que hai que engadir os preto de mil que supoñen os parquistas de Carril e os mariscadores a flote. Para que haxa unha boa colleita de bivalvos é imprescindible contar con dous elementos básicos: que haxa boa semente e alto índice de reclutamento, e que a calidade das augas sexa boa.

Galicia incumpre a normativa pola que se establece a calidade de augas para a cría de moluscos, de aí os nosos problemas nalgunhas rías que implica a cualificación de parte delas como “C”. O Goberno Anterior planificou e licitou 21 novas depuradoras para acadar a finalidade de depurar as augas que se verten as rías. Quedaron dúas pendentes de conseguir os terreos (Ribeira e Sanxenxo) que, non por casualidade estaban e están rexidas polo PP, porque mellorar as condicións da auga das rías é aumentar a rendibilidade da actividade marisqueira que significa o 7% do PIB galego.

Na actualidade existen mais de cen millóns de metros cadrados de zonas marisqueiras produtivas cuns resultados extractivos, con datos de 2009, de 7.310.490 quilos de berberechos e ameixas, excluída a produción das concesións dos parquistas de Carril e doutros lugares de Galicia. A produtividade é, por tanto, de 73,1 gramo por metro cadrado, o que significa un promedio de 7 individuos por cada metro cadrado. A verdade é que os resultados son realmente cativos dende o punto de vista biolóxico e aínda peores cando analizamos o rendemento económico: 0,59 euros por metro cadrado. Sen embargo a rendibilidade media de cada metro cadrado dos parques de Carril sobe ate os 30 euros polo que a diferencia entre a rendibilidade entre as concesións colectivas (agrupacións de mariscadoras), e a explotación  privada é de mais do 5.000% en favor desta última.

Segundo un traballo técnico dos propios servizos da propia Xunta de Galicia, con base na campaña de 2005, daba os seguintes índices de rendibilidade das principais especies, con respecto o potencial produtivo:


Ameixa Fina                6.9%
Ameixa Babosa             21.1%
Ameixa Saponesa          16.5%
Ameixa Rubia               25.0%
Berbecho                      3.8%
Promedio                       6%

Para que entendamos o drama que estes datos aportan solo temos que extrapolar os mesmos a unha actividade moi parecida en terra. Ninguén se dedicaría a agricultura ou a gandería se, de cada cen grans de trigo ou de cada cen polos, solo lle chegasen a adultos 6. Non solo sería antieconómico se non, tamén, absurdo e irracional. 

Abordar a solución destes problemas require, primeiro, tomar conciencia do mesmo e, segundo, abordalo globalmente pero tamén atendendo os particularismos de cada especie, ría ou concesión. Non abonda con anunciar que se queren ampliar as zonas de produción sen antes solucionar os problemas de contaminación das augas das nosas rías. Iso acaba xerando situacións tan rocambolescas como a que se ten producido este verán coa pretendida reinstalación  dos bivalvos procedentes de zonas “C”. Tampouco abonda con dispor de amplas superficies de cultivo se non somos capaces de garantir semente, en cantidade e calidade, que nos permita acadar maiores porcentaxes de rendibilidade. E, sobre todo, non podemos seguir mantendo un baremo para ó acceso o PERMEX onde prime mais a celebración dun cursiño formativo sobre materias alleas á propia actividade que a situación económica dos demandantes do mesmo.

Deixo, para rematar, un problema serio ao que a administración ou non sabe, ou non quere, ou non pode solucionar: o furtivismo. A vixilancia e a persecución dos posibles furtivos non pode ser unha competencia das agrupacións de mariscadoras ou das confrarías. A ninguén se lle ocorre que a persecución dos que rouban madeira nos montes comunais sexa competencia dos comuneiros. A Xunta faría ben en, primeiro, separar as infraccións administrativas do auténtico furtivismo e, segundo, estudar as razóns de fondo que hai en determinados episodios. Para o furtivo que saquea as concesións marisqueiras para acadar ingresos rápidos e destrúe o traballo de moitas persoas, todo o peso da lei e tódolos medios para erradicalo. Pero cando unha familia, con tódolos membros da unidade familiar en paro, ve imposible acceder a un PERMEX porque o baremo prima a outros que teñen mais de un, o furtivismo xa non é un problema de orde público se non un gravísimo problema social agravado por unha norma inxusta.

O Seguro Colectivo de Accidentes no Mar foi promovido, nos anos noventa, polo Conselleiro Enrique López Veiga e mellorado substancialmente pola Conselleira Carmen Gallego durante o período de Goberno Bipartito.