Dec 15

Estimado compañeiro, estimada compañeira. Por medio da presente comunícote que o vindeiro domingo día 17 decembro será a xornada de votación para elixir o próximo Secretario Provincial. De 16:00 a 20.00 horas na nosa Casa do Pobo.  Este ano a Agrupación Socialista de Camariñas xoga a lotaría do Nadal co número 46.883. Se aínda non o tes póñete en contacto comigo. Aproveito para desexarte a ti e a túa familia unhas moi Felices Festas. Sen máis, recibe un afectuoso saúdo socialista.

Dec 01

Pasado un mes desde o Congreso Nacional Galego o noso Secretario Xeral Gonzalo Caballero cominícanos mediante a carta que publicamos a continuación, que xa está posta a andar a nova Executiva e listos os novos Estatutos do PsdeG-PSOE. Sen dúbida os novos tempos xa comezaron no noso partido e o importante é poñerse a traballar para que o noso proxecto chegue a sociedade galega.

Estimado compañeiro, estimada compañeira. Por medio da presente comunícote que o vindeiro venres día 17 de novembro, ás 20:00 horas, haberá Asamblea Ordinaria da Agrupación Socialista de Camariñas para tratar os seguintes asuntos.

Dende a Agrupación Socialista de Camariñas queremos darlle a noraboa a Gonzalo Caballero, novo Secretario Xeral do PSdeG- PSOE, desexarlle moita sorte e acertos nesta nova etapa que se abre no noso partido. Ilusión, dialogo e unión é o que necesitamos para que a cidadanía recupere a confianza en nós como alternativa de goberno. Os e as socialistas demos onte unha lección de democracia interna da que deberían tomar nota moitos outros partidos onde a forma de chegar a liderar un proxecto é a base de dedazo. Agradecemos a xenerosidade de Xaquín Fernández Leiceaga e recoñecemos a valentía e bo facer de Juan Diaz Villoslada, grandísimo candidato cun gran futuro político dentro da nosa organización.

Estimado compañeiro, estimada compañeira, o próximo día 8 de outubro, domingo, celébrase no PSdG-PSOE eleccións primarias para elixir Secretario Xeral. O centro de votación da Agrupación Socialista de Camariñas é a nosa Casa do pobo e o horario será de 12 da mañá a 20:00 horas. Aproveito para convocarte a Asemblea Extraordinaria, o xoves 11 de outubro ás 20.00 horas coa seguinte orde do día:

Gracias a todos e a todas por vir. Gracias polas túas palabras Pichurri, se lle poñes o mesmo empeño o tan necesario Centro de día como fixeches co tanatorio… ¡Está asegurado! Hoxe  sintome distinta, un pouco nerviosa… emocionada. Como Secretaria Xeral  sempre subo aquí a  presentar os actos… Falo  da gran familia que somos…. Presumo dos grandes compañeiros e compañeiras que formamos a Agrupación Socialista de Camariñas…. Agrupación que é un referente do socialismo en toda Galicia…. Agrupación da que me sinto tremendamente orgullosa…. Pero hoxe e distinto…. Falo por primeira vez coma candidata.

Set 21

COMEZA A CONTA ATRÁS PARA O TAN ESPERADO CAMBIO NA POLITICA GALEGA. Coa intervención de  Juan Carlos Canosa, Coordinador comarcal da Costa Atlántica dou comezo o acto no que interviron o noso alcalde Pichurri e Marisol Soneira Vice-Presidenta segunda da mesa do Parlamento de Galicia. Logo chegaría o turno do descurso dunha emocionadísima Encarna Liñeiro que resaltou todo o que está por vir co cambio que quere protagonizar o PSdeG na Xunta de Galicia. Finalmente foi o turno do noso candidato, Xoaquin Fernandez Leiceaga  que falou intensamente das respostas novas que dende o PSdeG queremos para todos os galegos e galegas.  E, como Encarna, puntualizou especialmente na sanidade e educación universal gratuita e de calidade para todos e todas, da política pesqueira, dos servicios sociais e da tan necesaria aplicación da ley da dependencia. Un cheo absoluto como os de toda a vida na Casa de Pedra de Camariñas que agardamos sexaun impulso máis para lograr que o noso candidato Leiceaga leve o cambio tan necesario para todos os cidadáns de Galicia.

Set 18

Hoxe na Casa de Pedra de Camariñas non se celebrará tan só un mitin. Hoxe é o comenzo do cambio. O comenzo para as respostas novas que queremos para Camariñas e Galicia. Respostas novas para os nosos mariñeiros. Respostas novas para a Sanidade. Respostas novas para a Educación dos nosos fillos e fillas. Hoxe estades todos invitados a partir das 6 e media da tarde na Casa de Pedra para escoitar ao noso querido veciño de Camelle Juan Carlos Canosa Marcote, coordinador Comarcal do PSdeG da Costa da Morte, Marisol Soneira, Vice-presidenta Segunda da mesa do Parlamento de Galicia, Pichurri, Alcalde de Camariñas, Encarna Liñeiro Pouso, candidata, e sobre todo, a Xoaquín Fernández Leiceaga,  para coñecelo e ver que é un político cercano, humilde e preparado para ser o Presidente que faga posible o cambio en Galicia. Xoaquín Fernández Leiceaga, unha resposta nova.

Ago 23

Don Jesús Ramos Fuentes, o que fora o primeiro alcalde de Camariñas en democracia, finou o luns 22 de agosto do 2016. Dende a Agrupación Local do PSdeG-PSOE de Camariñas queremos dar o noso pésame a toda a familia deste camariñán que tivo o honor de ser o primeiro rexidor do executivo municipal do noso concello aínda que tamén será recordado por moitos de nos pola súa etapa como profesor da escola da Ponte do Porto. Todo aquel que desexe estar coa súa familia nestes duros momentos pode acudir ó Tanatorio da Ponte do Porto onde está sendo velado o corpo sen vida de Don Jesús. O funeral de corpo presente será celebrado na tarde deste martes na igrexa parroquial de San Bartolo de Arou. Descanse en paz.

Ago 17
O Concello de Camariñas iniciou hoxe o programa “Xantar na Casa”, despois de firmar o recente convenio co Consorcio Galego de Servizos de Igualdade e Benestar da Xunta de Galicia.…
Páxina 1 de 64