Out 13

A Rúa Fornelle de Camelle experimentou unha substancial mellora coa derradeira e importantísima actuación que levou a cabo o Concello de Camariñas. Trátase de unha das rúas máis transitadas de Camelle xa que é parte do nexo de unión entre as vilas de Camelle e Arou polo que soporta diariamente gran intensidade de tráfico. Estamos a falar dunha vía extremadamente estreita en varios puntos que grazas a colaboración desinteresada dos veciños que cederon voluntariamente os seus terreos ó concello  pasou a ser unha calle xa con unhas dimensións que permite o tráfico de vehículos con total seguridade.

Mar 19
Fai varios meses o Concello de Camariñas está levando a cabo o traballo de acondicionamento dos parques infantís. O acondicionamento vaise levar a cabo en dúas fases, na primeira fase, xa rematada, procedíase a acondicionar os chans, para elo, realizouse a limpeza e cribado da area, estes traballos foron realizados nos parques infantís de Xaviña, Arou, e no que está no porto de Camelle. Ademais nos próximos días procederase a reparar e acondicionar e dotar de novos xogos  estes parques, tal como se fixo xa no parque próximo o colexio de Camelle onde se repararon e pintaron tanto os xogos como o valado. Así mesmo, tense redactado e presentado un proxecto para dotar de novos pavimentos os parques infantís de Camariñas, Ponte do Porto e o do colexio de Camelle.  Váiselles colocar un novo pavimento que será de caucho continuo. O proxecto ten un orzamento de 58.384,27 euros, e en canto sexa aprobado, procederase a súa licitación e adxudicación.
Feb 20

O Concello de Camariñas está a levar a cabo un novo proxecto de eficiencia enerxética do alumeado público no que se acadará un aforro do consumo de enerxía eléctrica do 70%. Vanse instalar unhas novas luminarias de Led de 30 vatios de potencia e cunha vida útil de 50.000 horas. Esta nova rede de alumeado do concello non só aforrará en enerxía se non que as calles estarán moito máis alumeadas debido a estes leds de alto rendimento.

Páxina 3 de 28