Dec 13

Este domingo os socialistas de Camariñas volveron a encher a Casa de Pedra nun mitin espectacular onde destacou Pepe Blanco que reivindicou as políticas levadas a cabo polos gobernos socialistas en España facendo un repaso polos principais fitos que cambiaron a  vida do país e dos españois: sanidade universal e gratuíta para todos, ensinanza universal e política de becas que permitiu unha auténtica igualdade de oportunidades independentemente do nivel de renda, a Lei de Dependencia, a Lei de Igualdade ou a Lei de Protección  Contra a Violencia de Xénero, e un longo etc. que cambiaron a sociedade española e convertérona nunha das mais abertas e progresistas do mundo.

Dec 12

Os socialistas de Camariñas fan participacións de lotería para o sorteo de Nadal que son distribuídas por militantes e simpatizantes entre todas aquelas persoas que boamente queiran contribuír e axudar a manter os modestos medios con que contamos: aluguer da Casa do Pobo, recibos da luz e da auga, consumibles de administración, etc.

Dec 09

O próximo domingo, as cinco da tarde, os socialistas de Camariñas celebrarán o seu mitin central para estas importantes eleccións xerais. Nesta ocasión o cartel estará protagonizado polo compañeiro Pepe Blanco que se comprometeu con Pichurri cando estivo en Camariñas dando unha conferencia sobre as posibilidades que ofrece a Unión Europea para financiar iniciativas locais. Pepe Blanco cumpre así coa palabra dada e os socialistas de Camariñas están encantados de poder contar cun compañeiro da súa relevancia política.

Páxina 9 de 35