Dec 20

A Comisión Executiva Local, en nome de tódolos socialistas de Camariñas, quere amosar o seu agradecemento polo apoio recibido  polo PSdeG-PSOE no noso concello. Unha vez máis os camariñáns rexeitaron as políticas do PP , os recortes, as mentiras e a corrupción sistémica con.

Dec 17

A Comisión Executiva Local dos socialistas de Camariñas, como cada ano por estas datas, deséxalles  aos seus militantes e simpatizantes, e a tódolos camariñáns e a tódalas camariñanas, un moi feliz Nadal en compañía dos seus seres queridos. Esta felicitación queremos que sexa especialmente  cariñosa para os nosos veciños e veciñas que, en datas tan sinaladas, estarán lonxe de Camariñas e das súas familias. Para todos eles o noso recordo e o noso cariño.

Tamén queremos aproveitar a ocasión para amosar o noso agradecemento a todos e a todas polo apoio e a confianza que maioritariamente teñen manifestado, a través dos distintos procesos electorais, ao Partido dos Socialistas de Galicia-PSOE. Gracias de corazón pola confianza reiterada en moitas ocasións.

Dende Camariñas. Para Camariña. Con Camariñas e con tódolos lugares do concello: Santa Mariña, Brañas Verdes, Lamastredo, Pescadoira, Brea, Xaviña, Dor, O Allo, Ponte do Porto, Camelle, Arou, Buría e Camariñas.  Con tódolos camariñáns, hoxe e sempre.

E, como dicían os nosos maiores, de hoxe nun ano... e que o vexamos!

FELIZ NADAL!!

Dec 16

Como é ben fácil de comprender nesta páxina non somos precisamente seguidores nin admiradores de Mariano Rajoy. É evidente. Pero, como se ten atribuído a Voltaire, estamos en profundo desacordo con Mariano Rajoy e coas súas políticas pero defenderemos ate as últimas consecuencias o dereito que ten a defendelas.

Non se arranxan os problemas do país a sopapos por moi cabreados que esteamos. A D. Mariano, e as súas políticas, non se lle combate a hostias se non con votos. Votos contra catro anos de políticas inmisericordes cos máis débiles. Votos contra o abandono das políticas que protexen aos seres humanos. Votos contra a corrupción sistémica do partido que preside. Votos polo desprezo amosado polos que non poden seguir o ritmo dos máis fortes e quedan nos comedores sociais, nos desaucios, nos sectores produtivos que teñen que acampar diante da Xunta, e un longo etc. que non cabería neste artigo.

Pero o recurso a violencia é o recurso dos incapaces que aínda non descubriron que o exercicio do voto responsable é a arma mais poderosa que existe.  Cantas veces temos dito que as cousas non se cambian “rajando” na barra do bar?  Cantas veces temos dito, algúns, que fai moito mais un voto responsable e discreto que tódalas expresións teatrais de radicalismo e indignación?

Mariano Rajoy ten perfecto dereito a defender o seu programa, as súas políticas e a súa labor de goberno. Ten o mesmo dereito que nos temos a criticarllo e a tentar acabar con el o próximo domingo acadando mais votos e mais apoios porque solo así acabaremos con Rajoy e coas súas políticas. O camiño da agresión é a perversión do sistema democrático e quen non o entenda así ten un problema moi serio que pode ser altamente contaxioso.

Os socialistas de Camariñas pedimos o voto para acabar coas políticas de Rajoy e do Partido Popular, non para agredir a un cidadán que defende as súas ideas e o seu proxecto, por moito que nos desgusten tanto o cidadán como o proxecto.

Páxina 8 de 35