Feb 23

Este berro fano os fisterráns, na representación da súa Semana Santa, diante de Cristo resucitado. Tamén resucitou a Caberna Cibernética para, coma sempre, volver sobre as súas vellas teimas: os socialistas son uns corruptos!, os xuíces vanos a meter na cárcere!, Pichurri non vai poder presentarse as eleccións!, etc., etc. Debe ser moi  frustrante ver como unha e outra vez os tribunais tiran polo chan tódalas súas fantasías.

Xan 11

A Comisión Executiva Municipal, acaba de convocar unha asemblea de tódolos militantes e simpatizantes socialistas de Camariñas para analizar a situación política resultante das pasadas eleccións xerais celebradas o 20 de decembro, e mais en concreto os resultados electorais do concello de Camariñas.

Esta é unha práctica habitual dos socialistas de Camariñas despois de cada proceso electoral para analizar polo miúdo tódolos aspectos inherentes ao mesmo. É, sen dúbida, unha boa práctica xa que, aínda que os socialistas camariñáns tiveron un extraordinario resultado electoral (son un dos tres concellos da provincia onde o PSOE gañou as eleccións), a análise e a crítica construtiva son as mellores armas para non acomodarse  e para buscar sempre a superación.

Aproveitarase, tamén, para que os representantes no Comité Federal, Comité Nacional Galego e Comisión Executiva Provincial informen dos debates celebrados nestes órganos superiores do Partido.

A Asemblea  celebrarase o sábado 16, as 20.00 horas, na Casa do Pobo.

Xan 01

O seu nome seguramente non lle dirá nada a maioría dos nosos lectores. Si acaso aos seus veciños de Arou onde transcorreron os seus 95 anos cumpridos en plena lucidez ate os seus últimos instantes de vida.  E por suposto aos seus fillos, netos e bisnetos polos que sentía auténtica devoción.

Dolores Alborés, Lola de Pura, é a historia das dificultades que tradicionalmente tiveron as mulleres da súa xeración. Dificultades por nacer nunha das zonas historicamente mais deprimidas de Europa: a Costa da Morte dos anos vinte do século pasado; dificultades cando quedas orfa con catro anos  e ten que botarse á vida coa valentía e a determinación que solo as mulleres daqueles tempos eran capaces; dificultades para sacar á familia adiante cando perdes ao compañeiro e afrontas as dificultades da viuvez en plena xuventude.

Lola de Pura nunca militou no Partido Socialista pero sempre dicía con orgullo que o era.  Porqué? Porque, segundo dicía, Felipe González trataraa con dignidade dignificando as pensións das viúvas e dos que, coma ela, menos tiñan. E porque,  en todos os gobernos presididos por socialistas,  as pensións dos  mais modestos da sociedade sempre se actualizaban por riba das demais, incluso cando Zapatero tivo que conxelar as mais altas  non deixaron de incrementarse as mais cativas, como a súa.

Esta postura diante da vida inculcoulla aos seus fillos e netos de tal xeito que un dos seus netos, Germán Mouzo,  dou un paso mais e, dende a súa militancia socialista, foi durante varios mandatos concelleiro de Camariñas. E nunca tivo Arou mellor defensor do seu pobo. Nin o Partido Socialista mellor militante.

Se os homes da Costa da Morte foron a proa dun intrépido barco co que botarse ao bravo mar, as mulleres desta parte do mundo foron os penedos graníticos que, xeración tras xeración, soportan os embates dos temporais sen ceder un só milímetro. Lola de Pura era unha desas mulleres. Coma tantas outras que nos trouxeron ate aquí.

E por si faltase algo para retratar á muller, so dicir que morreu, tamén, unha das mellores palilleiras de Camariñas, que é tanto como dicir unha das mellores do mundo.

Descanse en paz Dona Dolores Alborés Suarez. Os socialistas de Camariñas sentímonos honrados e agradecidos pola súa amizade e polo seu exemplo.

Páxina 7 de 35