Redacción

Redacción

O Día Mundial da Fibromialxia foi celebrado por primeira vez en Camariñas este 12 de maio de 2016. Foron varias as mulleres de Camariñas que, xunto a concelleira de servizos sociais Sandra Ínsua, se deron cita na Praza do Concello e que participaron no acto pintando un mural da artista mexicana Frida Kahlo, que simbolizaba a dor que sufren as persoas afectadas por esta doenza. Unha boa iniciativa para lembrar que a sanidade non debe ser obxeto dos continuos recortes cos cales os gobernos do PP castigan sen piedade os cidadáns. Unha boa iniciativa que se repetirá de seguro.

O Concello de Camariñas acaba de firmar o convenio co Consorcio Galego de Servizos de Igualdade e Benestar para levar a cabo o programa “Xantar na Casa”, do que de momento se beneficiarán un total de dez persoas do municipio. O Concello ten previsto empezar no mes de agosto con este novo servizo, xa que antes deberá de completar unha serie de trámites. Os usuarios pagarán dous euros cada día pola comida e o resto do importe será subvencionado polo Concello e o Consorcio.

O Concello ten previsto por en marcha os procesos de contratación de persoal para que todo estea listo de cara as datas estivais.O mes de Maio é de gran actividade para a Concellería de Emprego do Concello de Camariñas. É nestas datas cando se publican no taboleiro de anuncios as bases para a contratación de persoal en postos e actividades relacionadas coa limpeza de praias, a actividade sociocultural ou a protección dos montes e contra incendios.

O responsable de educación da Executiva Provincial do PSdeG-PSOE, Antonio Alvarez, trasladouse a Camariñas, invitado plos socialistas camariñás, para trasladarlles as ANPAS e as nais a preocupación que existe na comunidade educativa, e na sociedade en xeral, pola aplicación da LOMCE e a repercusión que esta terá no futuro dos nosos fillos.

A Sección Quinta da Sala do Contencioso-Administrativo acaba, unha vez mais de ditar sentencia favorable ao concello e á Xunta de Galicia diante do recurso de casación presentado por un veciño de Camariñas contra o Plan Xeral de Ordenación Municipal.

O Concello de Camariñas convoca o Concurso de Literatura Infantil e Xuvenil Letras Galegas 2016 co motivo da celebración do vindeiro 17 de maio. Neste certame poderán participar todos os escolares de Educación Infantil, Primaria e Educación Secundaria Obrigatoria (ESO) dos centros escolares do municipio, ou se estudian noutro centro de fóra, pero son residentes no Concello de Camariñas.

A noticia correu coma un lóstrego polo campo de fútbol da Grixa, en Ponte do Porto. Martinez, o seu presidente, acababa de morrer. Unha longa e cruel enfermidade acabou cunha boa persoa, alegre e comprometida. Os xogadores do Porteño, que non podían conter as bágoas, e os do Zas, gardaron un minuto de silencio e levaron brazaletes negros na manga da camisola que con tanto orgullo representaba Martinez.

A sede dos socialistas de Camariñas, a entrañable Casa do Pobo, que dou acubillo aos voluntarios do Prestige, a distintos colectivos sociais que teñen realizado alí as súas actividades, que axudou a difundir novas de todo tipo, ou que serve para degustar un bo café en mellor compañía, segue coa súa tradición e vocación democrática para facilitarlle aos militantes socialistas de Camariñas que avalen aos seus candidatos para participar no proceso de primarias internas que darán como resultado a elección do candidato a presidir o goberno de Galicia nas próximas eleccións autonómicas.

Fútbol, sendeirismo e múltiples actividades encheron a vila de visitantes. Camariñas congregou esta fin de semana a un bo número de visitantes a expensas dos diferentes eventos que, coa colaboración do Concello de Camariñas, tiveron lugar na vila do Encaixe. Xa o sábado 30 de Abril, a Ruta dos Faros congregou en Camelle a un bo número de participantes no denominado 1º Camiño dos Faros inclusivo. A rota circulou dende o Miradoiro de Lobeiras ata Camelle, con comida final nesta vila. Xa o Domingo tiña lugar a cuarta etapa do Camiño dos Faros, no tramo que circula entre Laxe e Arou e que congregou tamén a un gran número de sendeiristas.

Como cada Primeiro de Maio os socialistas de Camariñas celebran cun xantar de fraternidade a festa do traballo.cNa Casa do Pobo, e coa colaboración de tod@s, os militantes e simpatizantes socialistas están convidados a compartir un xantar de camaradería o próximo domingo, 1 de maio, como xa ven sendo tradición dende hai anos.

Páxina 3 de 58