O Pobo é quen mais ordena, di Zeca Alfonso na súa famosa Grándola Vila Morena, himno da Revolución dos Caraveis que acabou coa ditadura  en Portugal un 25 de abril de 1974.
A Deputación Provincial da Coruña sempre se distinguiu por manter un escrupuloso respecto institucional e por administrar os bens públicos con equidade e responsabilidade. Foi así con presidentes tan diversos como Marfani, Torres Colomer,  Lendoiro ou Salvador Fernández Moreda. Foi así ate o de agora.
Os nosos vaticinios cumpríronse, e o Presidente de Portos de Galicia, ve moi complicado realizar o proxecto anunciado por os Charlatáns de Feira, Álvarez-Campana e Daniel Rego. O martes o Presidente de Portos de Galicia e o Alcalde de Camariñas estiveron visitando as obras que se están facendo nos portos de Camariñas e no de Arou.
O pasado 31 de outubro o Presidente do Ente Público Portos de Galicia visitou o porto de Camelle. Como non, estivo acompañado polo portavoz do grupo municipal do Partido Popular Daniel Rego.

 

E seguimos dicindo que, para o Concello de Camariñas sempre lle foi mellor con Gobernos Socialistas.

Continuamos amosando a xestión feita por o Goberno Socialista na Xunta de Galicia e  vamos a ir hoxe a Santa Mariña, o goberno de Touriño sendo Conselleiro de Medio Ambiente Pachi Vázquez licitou e construíu o Saneamento integral e a Depuradora de Santa Mariña, unha obra con un orzamento de 168.075,33 euros.

Contrasta esta inversión en Santa Mariña co fume do goberno Feijóo, e dos propagandistas maiores do reino Daniel Rego & Álvarez-Campana, que non tiveron reparo en anunciar xusto antes das eleccións municipais do 2011 (en aqueles tempos xa había crise) “que construirían en Santa Mariña un dique de abrigo de 40 metros de lonxitude e 6 metros de ancho con unha inversión de 600.000 euros, e tiña prazo de execución e todo 8 meses.

O final fume e fume.

En este enlace tendes a nova que saio na prensa.

http://www.lavozdegalicia.es/carballo/2011/03/26/0003_201103C26C6992.htm

 

Moi boas teñades boas xentes. Eu, que levo un tempo sen solás, despertei hoxe de súpeto diante da chea de rumores, díxome-díxome, rexoubos e outras lerias que por aquí circulan.
O día 10 de abril de 2010 pasará á historia da Vila de Camariñas con letras ben negras. O que ía a ser un dos días máis importantes para a historia de Camariñas, convertíase no día que o PP de Feijóo, lanzou a mentira, e o incumprimento máis grande, que se vira por este lugar.

 


Ese día o Presidente de Portos imputado no seu día Álvarez-Campana (moi curioso que a xente do PP de Camariñas non tiña reparo en acompañar a imputados), acompañado por Danielito mais coñecido agora por o “Okupa-Cociñeiro”, a deputada popular Marisol Piñeiro, e demais palmeiros do PP de Camariñas, anunciaron en unha cerimonia por todo o alto “unhas obras nunca vistas, con un orzamento de 11,2 millóns de euros no Programa de actuacións 2010-2014. Camariñas Século XXI”.

Acompañáronse de unha gran parafernalia, no que non faltaron planos, prazos e supostos investimentos, Televisión de Galicia, pinchos (pagados co diñeiro de todos) etc. Todo moi ben presentado, pero o final como sempre fixo o PP en Camariñas, papel mollado, o enésimo incumprimento con este Concello.

Das actuación prometidas solo se está levando a cabo, tarde e a golpe de campaña de electoral a Ampliación do Peirao. Foi curioso ver como esta obra se traballaba sempre que había campaña electoral, como aconteceu en marzo e outubro do ano pasado, e unha vez pasadas as eleccións páranse sen motivos aparentes. 

Das outras obras comprometidas, e que se tiñan que estar facendo este ano de 2012, nada de nada.

Fagamos un pequeno repaso o comprometido:

Acondicionamento do bordo portuario.
Consistía na construción da 3ª Fase do Paseo Marítimo camariñán, a que vai dende a Punta do Canzorro ata a Punta da Carnicería. Obra que se ía a comezar a finais do 2010, e rematar no 2012.

Contradique.
Tratábase de construír un contradique saíndo da Punta da Carnicería. Tiña previsto comezar no 2011 e rematar no 2012.

Instalacións Pesqueiras.
Prometeron acondicionar o espazo ocupado (non confundir con okupado) polo Club Náutico, con unhas instalacións pesqueiras. A obra tíñase previsto executar entre 2011 e 2012.

Instalacións Náutico-Recreativas.
Supoñía o traslado do Club Náutico ata a Lonxa Vella e tamén dotación dunhas importantes instalacións en canto a pantaláns para as embarcacións náutico recreativas. Actuación prevista para os exercicios 2011, 2012 e 2013.

Urbanización da Zona Pesqueira
No 2012 está previsto que comezaran as obras de urbanización do Muelle Novo o que melloraría a operatividade e seguridade.

Está é a palabra de Feijóo, incumprimento tras incumprimento, todos eles bendicidos por o silencio cómplice do PP de Camariñas, okupados máis en desfacer Institucións exemplares, denunciar a veciños, e visitar cuarteis e xulgados, que loitar por os intereses do noso Concello.

 

Miña Santa Sirenita! O que teño que ler e oír por non ser xordo!.
Anda o Daniel Rego e a “Caverna Camariñana” pedindo a dimisión de Pichurri porque está imputado -que non condenado- por unha denuncia do propio PP. O conto non deixaría de ter gracia se non fose porque o queren poñer no mesmo plano que a un tal Conde Roa  que, recoñecido por elo mesmo, cobrou case 300.000€ de IVA e, en lugar de pagarllo a facenda pública, quedouse con eles.

 


Hai unha estatua en Madrid na honra do xeneral Espartero montado a cabalo. O animaliño está moi logrado pero ten uns atributos  entre as patas de atrás que asustan. Pois esta xentiña tamén. Mira que hai que ter valor! O Daniel, que ten mais denuncias e sentencias en firme condenatorias que pulgas de mar en Lingunde, pídelle contas a outros e asubía pa riba cando os tribunais o condenan a pagar salarios e pufos coa Seguridade Social. E por riba ten os h...., coma o cavalo de Espartero, de falar de ética e doutras virtudes que el parece que coñece pero que non practica. Solo hai que ver o lamentable e bochornoso espectáculo que está dando no Club Náutico!.

 

Pero, non contento con iso, atrévese o PP a pedir a dimisión de Félix  Porto, alcalde de Muxía, porque tamén está imputado... vaia por Neptuno Bendito! Así que Pichurri e Félix Porto teñen que dimitir por estar imputados e sen ningunha condena pero Daniel Rego e Alberto Blanco (ex alcalde e Muxía e actual portavoz do grupo popular dese concello), ámbolos dous condenados por distintas e moi diversas circunstancias (o de Alberto Blanco no exercicio no seu cargo de alcalde non fai tantos anos), non solo non dimiten se non que dan leccións de comportamento democrático. Estes tipos son uns fenómenos, primeiro denuncian e logo láianse de que non dimitan. Se lles saíra ben a estratexia non quedarían mais alcaldes cos do PP.

O mais curioso é que, esta xente tan preocupada pola ética e pola virtude pública, non pedise a dimisión do alcalde de Fisterra e de Mazaricos... Si oh, si. Aqueles que están imputados por delitos moi graves despois dunha longa investigación do propio xusgado e da Garda Civil. Manda carallo!! Hai h...., ou non hai h....? O cavalo de Espartero o lado desta tropa é un manso capado.

Así que temos, por un lado, a un “señor” que está condenado en firme e “en paradeiro descoñecido”, que o pilla a Garda Civil mamado ao volante, que ten “okupadas” as instalacións do Náutico coma se fose un habitante de Penamoa. Por outro lado temos a outro “señor” que, sendo alcalde de Muxía, foi condenado por autorizar obras ilegais. E, no medio, temos o Partido Popular provincial que “esquece” que ten os alcaldes de Fisterra e Mazaricos imputados pola Operación Orquestra. Todos eles, con mais co.... que o cavalo de Espartero pídenlle contas aos demais por pecados veniais e obvian que eles están en pecado mortal. Meus Santiños do Mar, canto hai que oír por non ser xordo!!!

Moi boas, meus. Estaba eu dando un paseiño polas fergas do Muelle Novo cando escoitei a uns parroquiáns que falaban dun tal Conde Roa, alcalde de Santiago, que disque tiña que dimitir porque tiña unha morea de pufos coa facenda pública e que, tal como está a cousa no país, a dirección provincial do PP non quería coñas. Esta xente que, pola maneira de falar parecían xente do Partido Popular, parecían moi enterados.

 


E digo eu, o tal Conde Roa disque aínda non o sentenciou ninguén a ningún tipo de pena e, que se saiba, aínda non está condenado por ningún xuíz. A pesar diso disque a o PP da provincia da Coruña, que preside Carlos Negreira, está forzando a súa dimisión. Pero, si no PP demandan o cese dun señor que, por pouco edificante que sexa o seu comportamento, aínda non está condenado, que vai a pedir para alguén que ten enriba del unha man chea de sentencias condenatorias, un sen fin de pufos coa Seguridade Social, e todo un rosario de salarios impagados ós seus traballadores?.

Daniel Rego, na súa condición de responsable máximo de Viproga, S.A., está sentenciado e  condenado polos tribunais e, sen embargo, parece que as varas de medir do PP son distintas para el que para Conde Roa. Claro que da a impresión de que no PP tratan de escapar do seu lado e, o parecer, o Presidente da Deputación Provincial non acudiu a inauguración da Mostra para non ter que aparecer na foto con el, ou iso é o que comentaban estes dous que andaban paseando polo Muelle Novo. Alá o PP coas súas cousas, pero se eu fose o Conde Roa estaría mosqueado.

Por certo, parece que a Mostra deste ano foi todo un éxito, e a proba mais palpable é que, dende a caverna camariñana, tiveron que acudir ós cemiterios para atopar tema. Esta xente da dereita extrema é para estudiar: cando as familias queren desenterrar os seus defuntos asasinados polo franquismo nas cunetas de España, din que a esquerda quere resucitar os mortos; sen embargo eles non dubidan en amosar mortos que, se algo foron, foi o azoute da dereita e que, en vida, nun dubidaron en calumniar, alcumar e despreciar. Hai, miña Santa Sirenita, se pudese contar todo canto sei!

Nada, meus amigos, déixovos que von a visitar a miña veciña a Barbada da Esbarda que disque ten algunha novedade que contarme. Astra outra millorada e que os Santos Deuses do Mar vos sexan propicios.

 

Bo día teñades todos e todas, meus. Nótase ambientiño pola vila. O tempo soleado, que non bo, e a próxima Semana Santa animan a xente a vir a Camariñas a vivir a Festa do Encaixe. Si señor, e xa van ... vintadúas edicións!! Quen llo ía a contar á Soneira cando empezou con ela!!.
Páxina 1 de 3