Eleccións Galicia 2012

06 Setembro 2012
Publicado en Galicia
Debido ós próximos e dramáticos recortes que asolarán España e que realizará o goberno de Rajoy o PP de Galicia por parte do seu xa agora candidato Núñez Feijoo adiantou as eleccións para ver de volver a gañalas antes de que se produzan eses dolorosos recortes xa programados dos distintos gobernos do PP e que acabarían xa con todalas papeletas para gañar en Galicia. Respecto a este adelanto das eleccións galegas para este outubro de 2012 a Agrupación Socialista de Camariñas decidiu en asamblea nunha Casa do Pobo abarrotada de militantes apoiar por unanimidade a presenza de Fran Caamaño e Marisol Soneira nas listas que se presentarán pola provincia de A Coruña as próximas eleccións autonómicas.

 

Marisol Soneira advirte que a falla de execución pode obrigar á Xunta a devolverlle á UE preto de 300 millóns de euros de proxectos comunitarios
Sinala que o sector perdeu 3.469 afiliados á seguridade social e ten 311 Permex menos cunha flota que “segue minguando sen que teñamos alternativas”

 


A portavoz de Pesca do Grupo Socialista, Marisol Soneira, acusou hoxe ao presidente da Xunta de deixar ao sector pesqueiro “en situación crítica” e co risco de devolver 300 millóns de euros en proxectos comunitarios sen executar por parte do goberno galego. Reclamou a comparecencia da conselleira e presentou unha Interpelación no Parlamento sobre o fracaso do Goberno galego na xestión da pesca.

Soneira advertiu que a “incapacidade de xestión” do Goberno galego chega ao punto de que hoxe mesmo o presidente da Xunta teña concertado unha xuntanza co Ministro de Agricultura, tamén responsable da Pesca, sen incluír na orde do día un só asunto relativo a este sector. Lamentou que o presidente estea “mais preocupado de preguntarlle ao primo de Zumosol cándo convoca eleccións que dos intereses dos galegos”.

A responsable socialista advertiu que o sector, que xera en torno a 40.000 empregos, perdeu un total de 3.469 afiliados ao réxime especial do mar –que pasou dos 26.038 en 2007 aos 22.569 de 2011- dende que Feijóo tomou posesión, mentres as conserveiras están “ao borde do ERE”. Engadiu que si o obxectivo da Xunta era acadar as 15.000 mariscadoras afiliadas no Permex, a realidade é que en catro anos pasaron de 4.281 a 3.970, 311 menos.

Dixo que mentres a pesca galega atópase nunha “situación crítica”, catro anos despois “non coñecemos cál é o proxecto que ten Feijóo para esta actividade fundamental para a economía, o emprego e a estabilidade social da nosa Comunidade Autónoma”. Este é o resultado dun goberno guiado pola “improvisación, o sectarismo, as fobias case patolóxicas ao goberno de Touriño, o caciquismo e o control social do sector”.

Así o evidencia mesmo a “desaparición da propia Consellería de Pesca como tal”, logo da derradeira remodelación do Goberno, unido a unha “incapacidade manifesta para xestionar os recursos da UE”. A pesca ten actualmente “os niveis mais baixos de execución orzamentaria de toda a administración galega” poñendo “en perigo” 300 millóns de euros que terán que ser devoltos de non ser investidos.

Mauritania
A parlamentaria socialista cualificou hoxe de “esperpento” a negociación da UE con Mauritania, que finalizou coa expulsión da flota galega dese caladoiro, poñendo “a guinda a unha xestión desastrosa dos asuntos pesqueiros”. Dixo que a presenza da Xunta e do Goberno central na UE resulta “irrelevante” xa que ata o momento “tódalas iniciativas da Consellería estiveron condenadas ao fracaso”.

Reclamoulle aos gobernos galego e español que paralicen un acordo que impón condicións “leoninas” aos armadores galegos, que cada ano teñen que “pagar moito mais e pescar moito menos”, multiplicando as taxas “por tres ou por catro”. Lembrou que o próximo martes a Deputación Permanente do Congreso debaterá este asunto a proposta dos socialistas, mentres en Galicia o PP impediu calquera tipo de debate.

Engadiu que a xestión das política de cotas pesqueiras “só cabe cualificala de absurda” mentres “poñen á nosa flota nunha situación insostible economicamente, nunha permanente inseguridade xurídica e nun estado permanente de frustración colectiva que mesmo está levando a algunhas voces do sector a propoñer a insubmisión como alternativa”.

Acuicultura
Mentres, dixo, a Xunta foi “incapaz de poñer en marcha un só metro cadrado das explotacións acuícolas que anunciaban como imprescindibles” salvo as gaiolas de salmón que instalaron en Muros, xerando unha contundente resposta social en contra. Dixo que mentres caen os prezos e volumes de capturas, os recortes en investigación e os problemas de contaminación e epidemiolóxicos poñen a familias ao borde da ruina.

Dixo que a flota galega “continúa minguando sen que teñamos alternativas noutros campos de actividade” e explicou que “o 25 por cento da flota europea que deixou a Pesca durante 2011 é española, fundamentalmente galega”. É a conclusión dunha xestión da Xunta de Galicia “sen modelo, obxectivos nin xestión”.

 

Os Socialistas esixen a retirada das profesións relacionadas coa Mariña Mercante do Catálogo de Ocupacións de difícil cobertura do Ministerio.
Marisol Soneira considera que a situación laboral deixa sen sentido este instrumento para atraer man de obra de fóra, porque existe demanda nacional dabondo.
Para os socialistas o catálogo podería estar servindo para que as navieiras cubran a baixo custe as prazas que demandan os galegos, que son dos mellor formados do mundo nestas profesións.

A comisión de Pesca do Parlamento aprobou hoxe por unanimidade unha proposta socialista para que a Xunta regule as medidas de seguridade necesarias para a pesca deportiva. Esta iniciativa foi presentada pola portavoz de Pesca do Grupo Socialista, Marisol Soneira, quen lembrou que cada ano perden a vida en Galicia entre 10 e 15 persoas pola práctica desta actividade.
María José Caride advirte que Feijóo ten sen pagar 680 millóns de euros en facturas.
Marisol Soneira advirte que Mar é o departamento “mais incompetente e inútil da Xunta” con 137 millóns sen executar.

 


A portavoz de Facenda e Orzamentos do Grupo Socialista, María José Caride, dixo hoxe que o Goberno de Feijóo permanece “xordo, cego e mudo” diante da recesión demostrándose “inútil e incapaz” de reactivar a economía galega. Caride advertiu que, de acordo cos datos de execución orzamentaria de 2011 publicados hoxe, deixou sen executar 842 millóns de euros de investimento produtivo do orzamento de 2011.
Caride explicou que a Xunta gasta unicamente en gastos de funcionamento e gasto corrente deixando desatendido o gasto produtivo, o único que podería dinamizar a economía galega. Explicou que só executou o 61 por cento de investimento produtivo, co que de cada 100 euros do orzamento de 2011, só 12 foron destinados a investimento produtivo e os 88 restantes a gasto corrente.
A responsable socialista advirte que Feijóo demóstrase “incapaz de artellar unha alternativa” e mantense empecinado en manter os orzamentos para 2012 que facían unha previsión de crecemento do 1 por cento malia que “a realidade evidencia que a economía de Galicia está en recesión e rematará decrecendo un 1,5 por cento”. Considera que os datos coñecidos hoxe evidencian que o presidente da Xunta “só ten austeridade de ideas”.
A responsable socialista sinala que o goberno galego “tira a toalla fronte á crise” e demostra que carece de iniciativa de xestión, cunha lamentable “falla de estratexia fronte á crise” que está a provocar o deterioro do servizos e o incremento do desemprego.

Facturas:
Ademais, advertiu que Feijóo ten actualmente un total de 680 millóns de euros de facturas pendentes de pago, ademais doutros 668 millóns correspondentes a compromisos de pago pola que non deron lugar a propostas de pagamento ben pola paralización de obras ou pola non certificación das obrigas da Xunta.
Mentres, dixo, “non hai un só ingreso competencia da Xunta que aumente” polo que preguntou “ónde están os 230 millóns que supostamente recadaron na loita contra a fraude fiscal”.
María José Caride considerou especialmente grave que coa taxa de paro actual e coa previsión de superar os 300.000 desempregados a finais de ano, Feijóo manteña un total de 160 millóns de euros sen executar correspondentes ao programa de promoción de emprego. A esta cifra hai que engadir 114 millóns tamén sen executar do programa de desenvolvemento e internacionalización empresarial.
Engadiu que no caso do I+D+i o Goberno galego deixara sen executar no ano 2011 un total de 40 millóns de euros, mentres ao mesmo tempo reduce os investimentos nesta partida e suprime as bolsas para investigadores. Anunciou que os socialistas galegos reclamarán os datos de execución correspondentes ao Igape, o IGVS, o SPI e Augas de Galicia, que non están incluídos na relación publicada hoxe.

Mar:
A portavoz de Pesca do Grupo Socialista, Marisol Soneira, explicou que o departamento do Mar da Xunta de Galicia “é con diferenza o que peor xestiona os seus recursos”, deixando sen executar “por pura incompetencia” un total de 137 millóns de euros correspondentes a modificacións de crédito. Acusou a Feijóo de facer “prescindible” este departamento e dixo que “agora entendo que o diluíra na Consellería do Medio Rural”.
Dixo que este departamento revelouse como “o mais incompetente e inútil dos que ten a Xunta de Galicia” ao ser “incapaz de investir os seus propios recursos”, e advertiu que mesmo podería obrigar á Xunta a devolver as axudas europeas cofinanciadas polo Goberno galego.
Explicou que, ante o remate do período do Fondo Europeo da Pesca en 2013, “si a Xunta non é capaz de executar a súa parte, podemos ver cómo, no peor da crise, terá que devolver fondos á UE por pura incapacidade”.
Sinalou ademais que a acuicultura galega leva 3 anos “sen recibir un só peso” da Xunta de Galicia, que renuncia ao potencial de investimento deste sector, mentres o apartado de portos e infraestruturas pesqueiras só executou un 24 por cento dos orzamentos consignados.
A responsable socialista acusou ao goberno galego de “deixar tirados a amplos colectivos sociais dos mais vulnerables”, e lembrou que estiveron sen pagar as xubilacións anticipadas durante todo o ano 2011 e ata o pasado mes de febreiro.

 

Os Socialistas acusan á Xunta de evitar dar conta no Parlamento do "Pésimo nivel de execución orzamentaria" da Consellería de Pesca, a peor cifra do Goberno Galego.
Marisol Soneira presentou unha pregunta oral na Comisión de Pesca que foi aprazada por incomparecencia do Goberno galego.

 


A portavoz de Pesca do Grupo Socialista acusou hoxe á Consellería de Pesca de “evitar a toda costa dar a cara diante do Parlamento” polo pésimo nivel de execución orzamentaria. Así o dixo logo de que a incomparecencia do Goberno galego obrigara a aprazar unha pregunta neste sentido da responsable socialista na Comisión de Pesca celebrada hoxe.

Soneira sinalou o “pésimo nivel de execución orzamentaria” rexistrado pola Consellería de Pesca, que reflectiu o peor dato durante o pasado exercicio 2011, acadando o “farolillo vermello” ao ser o departamento co peor nivel de execución orzamentaria do Goberno galego.

Salientou que a Consellería “so foi capaz de gastar o 28,76 por cento do seu orzamento correspondente a 2011, o que aboca a Galicia a devolver cuantiosos recursos económicos”.

Lembrou que o departamento de Pesca é o que conta cos peores datos de execución orzamentaria, que non chegou ao 29 por cento durante 2011, deixando sen gastar, dende o ano 2009, preto de 138 millóns de euros. Estes proceden maioritariamente de fondos comunitarios que deberan financiar proxectos pesqueiros e marisqueiros que suporían un instrumento de dinamización económica e laboral imprescindible no momento actual.

 

Nunha pregunta en Pleno, a parlamentaria socialista, Marisol Soneira, inquiriu ao Goberno sobre o futuro desta obra, logo de que non apareza nos Presupostos do Estado e o ministro de Industria teña avanzado que non se farán novos paradores, salvo excepcións das que está excluído o de Muxía.

 


 

A parlamentaria socialista, Marisol Soneira, recriminou aos gobernos populares da Xunta e do Estado, a falta de vontade política para avanzar na construción do Parador de Muxía.
Recordou ao conselleiro Rueda que, en setembro de 2011, o goberno faille unha encomenda á empresa pública Tragsa e faino tamén para adiantar os prazos e evitar os atrasos de como mínimo un ano en caso de recorrer ao concurso de varias empresas.
Calificou de “sorpresa morrocotuda” o cambio de actitude do Goberno de Rajoy cando o seu titular de Industria di que salvo excepcións como o de Lorca, non se van construír novos paradores. Ao día seguinte o desminte Feijóo e Rajoy afirma que o Parador de Muxía se fai si ou si. Pero, cando se presentan os Presupostos do Estado, “non aparece o Parador de Muxía por ningún sitio”, reprocha Soneira.
Insistiu a parlamentaria socialista ante as negativas do titular de Presidencia en que con só con firmar a acta de replanteo, “maña Tragsa pode empezar a traballar”, xa que, dixo Soneira “ten todos os suministros, ten todos os permisos e acopio de materiais que xa fixo o ano pasado”. Explicou que a encomenda “era precisamente para que unha empresa pública financiara as obras e, este ano só tiñan que poñer un millón de euros no Presuposto, outro millón o ano que ven e no terceiro ano a parte principal, quedando para o cuarto menos de sete millóns de euros.
Trátase do mesmo método que para a Autovía da Costa da Morte, que a Xunta, denuncia Soneira, ten “paralizada”, e as empresas subsidiarias xa enviaron aos traballadores unha carta para que, desde o próximo venres, “se vaian para a casa”.
Soneira recordou os compromisos do Presidente da Xunta ante o Secretario Xeral do PSdeG-PSOE cando lle pregunta por este asunto na Cámara autonómica, ou ante o alcalde de Muxía, ao que chamou o propio titular do Executivo galego. “Pensei vir a este debate a ver que se cumpría a palabra do señor Feijóo, pero lamento constatar que seguimos coma sempre”. 





Marisol Soneira advirte que o Goberno galego sitúa aos pósitos “ao borde do desafiuzamento”

Que os orzamentos do Estado tiñan que ser restritivos case ninguén o pon en cuestión por canto toda Europa está atravesando unha grave crise económica, acrecentada polas fórmulas que os conservadores Merkel e Sarkozi están impoñendo, que ten especial incidencia nas economías do sur: Grecia, Italia, Portugal, Irlanda e España. Pero o que define o sentido ideolóxico de quen deseña os orzamentos é a quen lle cobra os impostos e, a que destina os impostos cobrados.

 


O Goberno Rajoy, fixo pública o seu sostén ideolóxico a través das grandes contas do Estado. Para empezar hai que dicir que solo un goberno irresponsable e antipatriota é capaz de supeditar as contas do Estado a unha contenda electoral doméstica para, supostamente, obter réditos electorais de curto alcance, cousa que non se produxo nin en Andalucía nin es Asturias. Xa veremos os custes que esa decisión ten para o futuro económico de España.

Logo veñen as contas, diante das que hai que facerse as dúas preguntas básicas: a quen lle cobramos os impostos, e con quen gastamos, ou non, o produto deses impostos? Pois, polo adiantado onte, Rajoy vaille cobrar os impostos, basicamente, as clases medias e os empregados públicos que teñen unha nómina e contribúen mes a mes a manter o edificio do Estado do Benestar: sanidade, ensinanza, dependencia, infraestruturas, etc. Este gran colectivo, a quen Rajoy prometeu non subir os impostos van a ver reducido o seu salario polo simple feito de ver incrementado o IRPF á súa nómina. E xa van dous incrementos en menos de cen días. Para os empregados públicos aínda é peor porque se lle conxela o salario, outra vez, e a suma da inflación mais o IRPF supón unha redución, en termos reais, superior a rebaixa aplicada por Zapatero en maio de 2010. Para todos, pero moi especialmente para os pensionistas, aplícaselle un “agasallo” mais: a subida da luz e do gas aféctalles especialmente a eles, e aféctalles especialmente os pensionistas galegos que son os que cobran as pensións mais baixas de toda España e, sen embargo, a subida da enerxía é lineal en todo o Estado.

A quen non lle cobra impostos Rajoy? A aqueles que dispoñen de asesores ben pagados para burlar a lei; a aqueles que agochan os beneficios en paraísos fiscais; ós que trasladan o seu domicilio fiscal para non contribuír solidariamente os gastos comúns, etc. A todos eses aplícaselles unha amnistía fiscal, de tal xeito que reciben un premio, nalgún caso, de mais do 30% por haber sido insolidarios, egoístas e, posiblemente, delincuentes. Un empresario honrado que cotice segundo a lei, estará abrigado a tributar, por término medio, un 38% dos seus beneficio. Se non fose tan honrado e agochase, ou disimulase, os beneficios obtidos, hoxe podería branquealos tributando solo o 10%, tal como anunciou onte o Goberno. Independentemente da falta de ética da medida, a mensaxe é moi clara para o conxunto da cidadanía: paga a pena ser un defraudador porque, ao final, o delincuente ten premio.

Pero a segunda parte da ecuación é terrorífica. En que vamos a gastar, ou en que non vamos a gastar, os recursos do Estado? Pois para empezar Mariano Rajoy xa nos mandou unha mensaxe: a dependencia é cousa das mulleres e polo tanto os Orzamentos non é que recorten, non, suprimen a partida para este apartado. As consecuencias son claras para un segmento da sociedade moi concreto: as nais, as fillas, as irmáns, as noras, as esposas, as parellas, etc, etc. Esta decisión non ten transcendencia soamente económica se non que agocha toda unha concepción dun modelo social onde as mulleres acaban renunciando a súa vida profesional, fora do fogar, cando xorde un cadro familiar de dependencia grave. Suponse que recibiran o xusto premio os seus sacrificios nun ceo que aínda está por demostrar que exista, porque o Estado ten claro cales son as prioridades.

Tamén deixa de gastar o Estado en políticas de emprego. E dicir, que o Estado renunica a aplicar políticas ó mais grave problema que hoxe ten España e, de paso, xa se leva por diante algunhas das funcións das organizacións empresariais e sindicais como son a formación para o emprego, reciclaxe de parados, etc. Dunha tacada, carambola múltiple e, ademais, contentan a caverna mediática  que se pasou os últimos meses demonizando as organizacións dos traballadores.

Onde mais non vamos a gastar? No acceso a vivenda. Nada mais e nada menos que, entre o recorte anterior e o actual, mais dun 60%. Esta decisión acabará coa axuda dos rapaces a independizarse e terá consecuencias para os propietarios de vivendas en aluguer.

Resumindo. Rajoy, que como todo o mundo sabe é “un señor como Dios manda”, non cumpre co precepto aquel que igrexa católica nos ensina a través do catecismo e que dicía que “Dios premia os bos e castiga os malos”. Todo o contrario. Nesta nova filosofía Rajoniana ser un bo cidadán non solo é malo se non que, por riba, ten castigo; primeiro aumentándonos os impostos, e logo negándonos servizos e dereitos que axudamos, con esforzo e moito traballo, a construír e consolidar entre todos.

Claro que hai ideoloxía nos partidos e nos gobernos, e engánanse moito os que pensan que a mellor maneira de corrixir os posibles erros da esquerda é votar a dereita. Os andaluces tivérono moi claro fai unha semana. Tomemos nota os demais.

 

OS SOCIALISTAS RECLAMAN A MODIFICACIÓN DA LOREG “PARA QUE O DEREITO A VOTAR, NOS PROCESOS NACIONAIS E AUTONÓMICOS, SEXA IGUAL QUE PARA OS RESIDENTES EN ESPAÑA MEDIANTE A CREACIÓN DE CIRCUNSCRICIÓNS ELECTORAIS NO EXTERIOR”.
A portavoz de Emigración do Grupo Parlamentario dos Socialistas de Galicia Marisol Soneira dixo que Feijoo renunciou a ser o portavoz das demandas dos emigrantes , xa que ten reducido as políticas de emigración a un mero negociado administrativo se peso nin categoría política, polo tanto non se mollou neste asunto”.
Advirte que “rogar o voto é un proceso inaceptable e impropio do noso modelo político, que vulnera o principio de igualdade de dereitos de tódolos cidadáns recollido na Constitución e no Estatuto de Autonomía de Galicia”.
Dixo “non se pode privar ao 95% dos residentes galegos que viven no exterior dun dereito constitucional”.
Acusa ao Goberno de Feijoo “de estar ausente e alleo ás demandas dos galegos residentes no exterior”.
Afirma que presenta esta proposta coa vontade de acadar o consenso unánime da cámara para trasladar o Goberno do Estado e as Cortes Xerais a necesidade de dar resposta ó clamor de mais de millón e medio de españois por participar e formar parte do deseño político do noso país.
Páxina 2 de 5